Կատար է այցելում Ադրբեջանի արտգործնախարար Ջեյհուն Բայրամովը՝ մասնակցելու վաղը Դոհայում նախատեսված Արաբական պետությունների լիգա-Կենտրոնական Ասիա-Ադրբեջան Տնտեսական ֆորումին, հայտնում է Ադրբեջանի ԱԳՆ-ի մամլո ծառայությունը։
Հաղորդվում է, որ հավաքի շրջանակներում Բայրամովը նաև երկկողմ հանդիպումներ կունենա։
Պաշտոնական այցով Դոհայում է գտնվում նաև Հայաստանի արտգործնախարար Արարատ Միրզոյանը, բայց Բայրամովի հետ հանդիպում նախատեսված չէ, «Ազատությանը» հայտնեցին արտաքին գերատեսչությունից։
